Rusiya Baş Prokurorluğu Yeni Moskva ərazisində yerləşən "Kruiz" bağ sahəsində yaşayan bir sakindən Afrika şirləri, ayılar və bir leopardın müsadirə olunduğunu açıqlayıb.

"Gazeta.ru" xəbər verir ki, heyvanlar dar və paslanmış qəfəslərdə, baytarlıq nəzarəti olmadan saxlanılıb.

Yoxlama zamanı əzab çəkən yırtıcılar aşkar edilib. Onların bir qismi müsadirə olunub, digərləri isə müvəqqəti saxlanmaya verilib.

Sahibinə Qırmızı kitaba daxil edilmiş və nadir növlərə zərər vurulması maddəsi ilə inzibati iş açılıb. Heyvanların vəziyyətindən asılı olaraq, ona qarşı heyvanlarla qəddar rəftar maddəsi ilə cinayət işi də qaldırıla bilər.