İran Bəhreyn və Səudiyyə Ərəbistanını birləşdirən Kral Fəhd Kozvey körpüsünü vurub.

Patrul.az xarici KİV-ə istinadla xəbər verir ki, hadisə pilotsuz uçuş aparatının körpüyə çırpılması nəticəsində baş verib.

Məlumata görə, hücumun əsas məqsədi ABŞ-nin hərbi personalının təxliyəsi üçün həmin keçiddən istifadə imkanının qarşısını almaq olub.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq Tehran da daxil olmaqla bir sıra böyük şəhərlərə zərbələr endirib. Ağ Ev hücumların başlanmasını İrandan qaynaqlandığı iddia olunan raket və nüvə təhdidləri ilə əlaqələndirib.

İslam İnqilabı Keşikçiləri Korpusu isə buna cavab olaraq genişmiqyaslı əməliyyat elan edib. Mehr xəbər agentliyinin yaydığı məlumata əsasən, ABŞ-nin Bəhreyn, İordaniya, Qətər, Küveyt, BƏƏ və Səudiyyə Ərəbistanındakı hərbi bazaları da hədəfə alınıb.