İtaliyanın "Latsio" klubunun futbolçusu Daniel Gerini avtomobil qəzasında dünyasını dəyişib.

Bizim.Media xəbər verir ki, bununla bağlı kulubun rəsmi saytında məlumat yer alıb.

Bildirilib ki, martın 24-də Romada Gerini iki dostu ilə birlikdə qəza törədib. Onların maşını 68 yaşlı kişinin idarə etdiyi avtomobillə toqquşub. Futbolçu dünyasını dəyişib, onun dostlarının vəziyyəti isə ağırdır.

Qeyd edək ki, martın 21-də futbolçunun 19 yaşı tamam olub.