Türkiyə Futbol Federasiyasının (TFF) Arbitraj Məhkəməsi “Qalatasaray”ın futbolçusu Eren Elmalının cəzası ilə bağlı yekun qərarını verib.

QOL.az xəbər verir ki, mərc oyunlarında iştirak etdiyinə görə 45 gün müddətinə haqlarından məhrum edilən müdafiəçinin apellyasiya şikayəti təmin olunmayıb və cəza qüvvədə saxlanılıb. Bu qərar fonunda futbolçunun dekabrın 1-də “Fənərbaxça” ilə keçiriləcək İstanbul derbisində iştirak etməyəcəyi dəqiqləşib.

Qeyd edək ki, daha öncə Türkiyə Futbol Federasiyasının Peşəkar Futbol İntizam Komitəsi Eren Elmalı da daxil olmaqla mərc fəaliyyəti ilə əlaqədar bəzi futbolçuların oyunlardan kənarlaşdırılması barədə qərar qəbul etmişdi.