İsrailin "Hapoel" (Holon) və İtaliyanın "Trapani Şark" klubu arasında keçirilən Basketbol Çempionlar Liqasının pley-in raundu matçı cəmi yeddi dəqiqə davam edib.

Bu barədə RBC məlumat yayıb.

Ciddi maliyyə problemləri yaşayan İtaliya klubu İsrailə cəmi beş oyunçu gətirib.

Oyunun başlamasından az sonra onlardan üçü meydanı tərk ediblər və "Trapani" yalnız iki oyunçu ilə qalıb.

Beləliklə də, ilk hissənin bitməsinə 3 dəqiqə 6 saniyə qalmış oyun dayandırılıb və "Hapoel" 38-5 hesablı qələbə qazanıb.

Cavab matçı yanvarın 8-nə planlaşdırılıb. Qalib komanda 1/8 finala vəsiqə qazanacaq.