"Yuventus" Türkiyə millisinin müdafiəçisi Zeki Çeliklə müqavilə imzalayıb.

Oxu.Az bu barədə Turin təmsilçisinin rəsmi saytına istinadən xəbər verir.

29 yaşlı futbolçu ilə bağlanan sözləşmə 2029-cu il iyunun 30-dək nəzərdə tutulub.

Z.Çelikin "Yuventus"a keçidindən əvvəlki son klubu 2022-ci ilin yayından bəri çıxış etdiyi "Roma" olub. Türkiyəli müdafiəçi müqaviləsinin müddəti başa çatdığı üçün bu yay paytaxt təmsilçisinin düşərgəsini tərk edib. Ötən mövsüm o, bütün turnirlərdə ümumilikdə 45 oyunda iştirak edib, bir qol və dörd məhsuldar ötürmə ilə yadda qalıb.

"Transfermarkt" portalının məlumatına görə, futbolçunun bazar dəyəri 14 milyon avro təşkil edir.