Futbol üzrə Ukrayna Premyer Liqasında 8-ci turun oyunları keçirilib.
"Report" xəbər verir ki, Azərbaycan milli komandasının müdafiəçisi Pavel Paşayevin çıxış etdiyi "Aleksandriya" komandası səfərdə "Dinamo Kiyev"in qonağı olub.
Görüş ev sahiblərinin 3:0 hesablı qələbəsi ilə başa çatıb. Millinin futbolçusu 90 dəqiqə meydanda olub.
Hazırda "Aleksandriya" 8 oyuna 4 xal ilə turnir cədvəlinin sondan ikinci pilləsində (11-ci) qərarlaşıb.