Rusiyalı məmur və deputatlara xarici aviaşirkətlərin xidmətindən istifadə etmək qadağan olunub.

Avropa.info xəbər verir ki, bu haqda Rusiyanın “Vedomosti” qəzeti yazır. Bundan sonra dövlət qulluqçuları ezamiyyət götürərkən yalnız Rusiya və Avrasiya İttifaqı məkanına daxil olan ölkələrin aviaşirkətlərinin təyyarələri ilə uçmalıdırlar.

“Aeroflot” nümayəndəsi qəzetə bildirib ki, böhran əleyhinə tədbirlər çərçivəsində dövlət qulluqçularına xarici şirkətlərlə uçuşu qadağan etmək təklifini “Aeroflot” direktoru Vitali Savelyev Medvedevə özü verib.