Polşanın wPolsce24 və wPolityce portallarına görə, 15 iyun səhəri Skrepetski Biala Podlaska şəhərindəki dayanacaqda naməlum şəxslər tərəfindən güllələnib. Sonuncu qurbanın şəklini dərc edib. Polis rəsmi olaraq onun adını açıqlamayıb, yalnız onun 44 yaşlı Rusiya vətəndaşı olduğunu bildirib. Biala Podlaska Belarus sərhədindən 30 km məsafədədir. Qatil 2 nəfər ola bilər. Jurnalistlərin sözlərinə görə, şübhəlilərdən biri, Belarus vətəndaşı, atışmadan sonra Belarus konsulluğunun yaxınlığında saxlanılıb. The Insider-in məlumatına görə, qətldən bir saat əvvəl Skrepetski "rus vətənpərvərləri" tərəfindən təhdid edildiyini bildirib.
12 iyunda Skrepetski Berlindəki Rusiya səfirliyinin qarşısında etiraz aksiyası keçirib, şalvarının arxasındakı kəsikdən Rusiya bayrağını çıxarıb zibil qutusuna atıb. Daha sonra rəssam, Stalinin körpə Putini qucaqladığını təsvir edən "ikon"la (şəkildə) səfirliyin yaxınlığından keçdi. Skrepetski lapti, ushanka papağı geyinmiş və Müqəddəs Georgi lenti taaxmışdı.

Rəssam və bloqçu Semyon Skrepetski (əsl adı Robert Kuzovkov) 2021-ci ildə Rusiyanı tərk edərək Polşaya getdi. O, Rusiya hökumətini tənqid edən və lağa qoyan karikaturaları və çıxışları ilə tanınırdı.
TEREF