ABŞ Dağlıq Qarabağın müstəqilliyini tanımır.

Bunu AzVision.az-a ABŞ səfirliyindən Birləşmiş Ştatların Corciya ştatının Azərbaycanın işğal edilmiş regionunun "müstəqilliyi"ni tanıması haqqında yayılan məlumatı şərh edərkən deyiblər.

Səfirlikdən bildiriblər ki, ABŞ-ın xarici siyasəti federal hökumət tərəfindən müəyyənləşdirilir: "Corciya ştatının Nümayəndələr Palatasının qəbul etdiyi qətnamə dövlət qanunverici orqanının rəyidir. Bu rəy həmin məsələ üzrə ABŞ-ın xarici siyasətini dəyişdirmir".

Qeyd edək ki, 15 dəqiqəlik müzakirə nəticəsində ABŞ-ın Corciya ştatının Nümayəndələr Palatasında Azərbaycanın Ermənistan tərəfindən işğal edilmiş ərazilərində yaradılmış qondarma rejimin guya tanınması barədə hansısa qətnamə qəbul edilib.