“Niyə mən hələ də “Telegram”-ın bir milyard istifadəçisinin 1 faizindən də azının yaşadığı Fransanı tərk edə bilmirəm? Bu, sirr olaraq qalır”.

Publika.az xəbər verir ki, bunu "Telegram"-ın təsisçisi Pavel Durov “X” hesabında yazıb.

O, Fransada ona qarşı istintaq başladıldığını hələ də anlamadığını qeyd edib:

“Əvvəlcə səlahiyyətlilər “Telegram”-ın Fransanın sorğularına cavab vermədiyini iddia etdilər. Lakin məlum oldu ki, onlar Avropa İttifaqı və Fransa qanunlarına məhəl qoymayıblar və ötən ilin sentyabrına qədər bizə heç bir hüquqi qüvvəyə malik məhkəmə sorğusu göndərməyiblər”.

Durov əlavə edib ki, Fransa hakimiyyəti “Telegram”-ı məzmunun moderasiyasının zəif olmasında günahlandırıb, lakin məhkəmə araşdırması tezliklə bunu təkzib edib.