Baş həkim Mehparə Kazımova rayon səhiyyəsini viran qoymaqda davam edir

Kəlbəcər Mərkəzi Xəstəxanasında işlər tərs gedir. Buna səbəb baş həkim Mehparə Kazımovanın həyata keçirdiyi bir sıra «islahat»lardır. teref.az yazır ki, Demokratiya.info-ya daxil olan məlumatlarda vurğulanır ki, baş həkim bir sıra işlərdə adını qalmaqala yazdırsa da, sonradan bunlardan sıyıra bilib.

Bəzi məlumatlara görə, rayonda tibb sahəsində keçirilən tenderlərin əksəriyyətində aparıcı fiqur olaraq çıxış edən Mehparə xanım hamısından qazanclı çıxmağa nail olub. Məsələn, onun ötən ilin sonlarına yaxın inventarların alınması üçün 10100 manat ayrılmasına rəğmən, ortada heç bir inventarın olmadığı məlum olub.

Bundan başqa, əsaslı təmir işlərinin satın alınmasına sərf olunduğu qeyd edilən 7100 manatın da Bakıda başqa işlərə sərf edildiyi bildirilir. Demokratiya.info-ya daxil olan məlumatlarda vurğulanır ki, Kəlbəcərin baş həkimi bununla da yetinməyib, maşın və avadanlıqların satın alınması adı ilə daha 26 min manatın silinməsinə nail olub.

Qarşı tərəfin mövqeyini öyrənməyə hazırıq