“Hicaz” markalı toyuq məhsulu ilə bağlı yayılan görüntülər geniş müzakirələrə səbəb olub.

TEREF xəbər verir ki, azxeber.com-a müraciət edən vətəndaş marketlərin birindən alınan “Hicaz” toyuğunun içinin tam təmizlənmədiyini bildirib.

Vətəndaş bildirib ki, qablaşdırmadan açılan toyuğun daxilində orqan və qan parçaları qalıb.

Məhsul gigiyenik qaydalara uyğun şəkildə təmizlənmədiyi üçün istifadəyə yararsız hesab edilir.

Məsələ ilə bağlı “Hicaz” broylerlə əlaqə saxlamağa cəhd etsək də, zənglərimiz cavabsız qalıb.