Bakı şəhəri, Xətai rayonu, Neapol küçəsi 7 V binasının 3-cü blokunda yerləşən liftin nasaz işləməsi sakinləri çətinə salıb.

Patrulaz.az-a daxil olan məlumata görə, lift aşağı mərtəbədən yuxarıya qalxsa da, əks istiqamətdə – yuxarıdan aşağıya eniş edə bilmir. Bundan əlavə, yalnız 1-ci və 9-cu mərtəbələrə çıxış edən liftin düzgün işləməməsi səbəbindən 5-ci və 6-cı mərtəbələrə çıxışı mümkün deyil.

Buna səbəb isə liftin çağırış düyməsinin düzgün işləmədiyi göstərilir.

Sakinlərin bildirdiyinə görə, liftin texniki nasaz olmasına baxmayaraq, onlardan müəyyən məbləğdə pul da yığılır.

Redaksiyamıza müraciət edən vətəndaş bildirib ki, məsələ ilə bağlı aidiyyəti qurumlara dəfələrlə müraciət etsələr də, cavab olaraq “liftin düyməsi yoxdur” kimi bəhanələr irəli sürülür.

Görüntülərdən də aydın olur ki, 5-ci və 6-cı mərtəbədə olan sakin liftin çağırış düyməsini sıxsa da, kabinə gəlmir.

Artıq 1 ilə yaxındır ki, 5 və 6-cı mərtəbələrdə yaşayan sakinlər liftdən istifadə edə bilmirlər. Onlar aidiyyəti qurumlardan məsələyə məsuliyyətlə yanaşmalarını və liftin tam şəkildə işlək vəziyyətə gətirilməsini xahiş edirlər.