"Tək prosedur ilə piylərindən birdəfəlik azad ol!"

Yəqin ki, belə başlıqlı elanlar hər birimizin qarşısına çıxır. İddialara görə, müvafiq aparatla piylər əvvəlcə dondurulur, sonra yavaş-yavaş əridilir.

Baku TV belə xidmət təklif edən mərkəzlərdən biri ilə əlaqə saxlayıb.


"Arzum Fit" arıqlama mərkəzinin nümayəndəsi bunları qeyd edib:

"Aparat çəkini aparmır, piyləri əridir. Piyin də ölçüsü böyükdür, çəkisi azdır. Ona görə sizdə kilo getmir, amma ölçülərinizdə çox böyük bir fərq edir. Piyi də dondururuq. Donan piy məhv olduğuna görə bədən məhv olmuş şeyi özündən atır. Piy aparatın içində olan zaman donur, o sizin daxili orqanlarınıza heç bir əks-təsir göstərmir".

Məlum olub ki, bu işi görənlərin tibbi təhsili belə yoxdur. Lakin müayinə edib, diaqnoz qoyur, müalicə edirlər.