Xəbər verdiyimiz kimi, “Space” TV-də yayımlanan “Çarə” sağlamlıq verilişinin aparıcısı kimi tanınan Fikrət Musayev 63 yaşında vəfat edib.

Busaat.az xəbər verir ki, bu barədə onun yaxınları, iş yoldaşları sosial şəbəkədə paylaşım ediblər. F.Musayevin bağırsaq xərçəngindən dünyasını dəyişdiyi bildirilir.
Qeyd edək ki, Fikrət Musayev bir çoxlarına yaxından tanışdır. Onun sadəcə bir replikası bir müddət sosial şəbəkələrdə paylaşılıb və bu gün də öz aktuallığını qoruyur.
Belə ki, o efirə zəng edən xanımın “Sualı sizə verim?” sualına “Yox, operatora” deyərək cavab vermişdi. Bu isə ciddi etirazlarla qarşılanmışdı.