Rusiya Prezidenti Vladimir Putin Bəhreyn kralı Hamad İbn İsa əl Xəlifə ilə görüşüb.

Axar.az xəbər verir ki, Kremldən verilən açıqlamada liderlərin iki ölkə arasındakı münasibətləri, Yaxın Şərqdə baş verən hadisələri müzakirə etdiyi bildirilir.

Görüşdə ticarət, iqtisadiyyat, elm, texnologiya və hərbi sahələrdə əməkdaşlığı əks etdirən anlaşmalar, neft və qaz yataqlarının kəşfi, işlənməsi mövzusunda memorandum imzalanıb.

Daha sonra Bəhreyn kralı Moskvada təşkil olunan Ordu-2016 hərbi texnologiyalar sərgisində iştirak edib.

Xatırladaq ki, Bəhreynin Moskvadakı səfiri Əhməd Əbdülrəhman Saati kralın xüsusilə S-300 və S-400 hava hücumundan müdafiə sistemlərini görmək istədiyini açıqlamışdı.