Avstraliyanın "Qantas" aviaşirkətinə məxsus təyyarənin sərnişini uçuş zamanı yol yoldaşını boğmağa cəhd edib və stüardessanı dişləyib.

Bu barədə "The Sun" məlumat yayıb.

Hadisə Melburndan Dallasa həyata keçirilən reys zamanı baş verib.

Məlumata görə, münaqişə sərnişinlərdən birinin oturacağını arxaya əyməsindən sonra başlayıb. Aqressiv sərnişin dərhal onu boğmağa çalışıb və tərəflər arasında dava düşüb.

Ekipaj üzvləri vəziyyəti sakitləşdirməyə çalışarkən, dava salan sərnişin stüardessanı dişləyib.

Təyyarənin komandiri marşrutu dəyişərək Taiti adasındakı Papeete hava limanına təcili eniş etmək qərarı verib.

Bildirilir ki, aqressiv davranış sərgiləyən sərnişin sərxoş vəziyyətdə olub və polis tərəfindən saxlanılıb.

Dişlənən ekipaj üzvünə tibbi yardım lazım olmayıb, xəsarətin ciddi olmadığı qeyd edilib.