Cütlük toylarına gələn qonaqları düzgün əyləşdirmək üçün LEGO fiqurlarından istifadə edərək yer cədvəli hazırlayıb.

Oxu.Az xəbər verir ki, hadisə ABŞ-də baş verib.

LEGO şirkəti "Kapitan Cek Sərçənin Dəniz Quldurları Gəmisi" adlı dəstini təqdim edib. Dəst 2862 hissədən ibarətdir. Hər bir fiqurun ölçüsü 23 santimetrdir.

Amerikalı cütlük məhz bu dəstdən istifadə edərək toya gələn qonaqlara harada əyləşməli olduqlarını əyani şəkildə göstərən maket hazırlayıb. Maket şənliyə toplaşanların böyük marağına səbəb olmaqla yanaşı, məclisə əlavə rəng qatıb.