2024-cü ilin oktyabrından 2025-ci ilin sentyabrına qədər olan dövrdə Arktikada havanın temperaturu 1900-cü ildən bəri ən yüksək səviyyədə olub.

Bu barədə ABŞ-nin Milli Okean və Atmosfer Administrasiyası (NOAA) məlumat yayıb.

NOAA-nın məlumatına əsasən, hava və su temperaturunun artması buzlaqların əriməsinə və Arktika landşaftının dəyişməsinə səbəb olub. Bununla əlaqədar dəniz səviyyəsinin yüksəlməsi sunami və daşqın risklərini artırır.

Bundan əlavə, buzlaqlardan ayrılan dəmir və digər elementlər Arktika sularını çirkləndirir. Hesabatda, həmçinin bildirilir ki, son on il müşahidələr tarixində Arktika üçün ən isti dövr olub.