Hizbullah baş katibi Seyid Həsən Nəsrullah, ABŞ-İsrail və müttəfiq ölkələrin qurduğu və dəstəklədiyi “İŞİD”in dünən Livanın Bəka vilayətinə bağlı Baalbek bölgəsində Hizbullaha aid obyektlərə hücum etməsini şərh edib.
Dünya KİV-ləri xəbər verir ki, Beyrutda təşkil edilən konfransda danışan Seyid Həsən Nəsrullah, "”İŞİD'in, Baalbek bölgəsində Hizbullaha aid obyektlərə hücumu aramızda olan müharibəni faktiki olaraq başlatmışdır. İgidcəsinə döyüşən Hizbullah qüvvələri onlarla “İŞİD” terrorçusunu öldürüb, bir o qədərini də yaralayıb. Müharibəni “İŞİD” başlatdı amma biz qalib gələcəyik" deyib.

“İŞİD” terrorçularının Livan sərhədlərindən təmizlənə qədər müharibənin davam edəcəyini ifadə edən Seyid Həsən Nəsrullah, "döyüşçülərimiz Qələmun bölgəsində də Nusra Cəbhəsinə qarşı uğurlu əməliyyatlar həyata keçirir." deyə danışıb.