Avropa İttifaqı Ukraynaya 90 milyard avro həcmində kredit ayrılması barədə razılığa gəlib.

Bu barədə Bolqarıstan Milli Radiosu Brüsseldəki mənbəyə istinadən məlumat yayıb.

Bildirilib ki, qərar Macarıstanın vetosuna baxmayaraq qəbul olunub və onun yenidən nəzərdən keçirilməsi planlaşdırılmır.

Mənbənin sözlərinə görə, Avropa Şurasının prezidenti Antoniu Koşta martın 17-də Macarıstanın Baş naziri Viktor Orbanla danışaraq Aİ liderlərinin 2025-ci ilin dekabrında qəbul etdiyi qərara əməl etməsini tələb edib.

Orban daha əvvəl Ukraynanın "Drujba" boru kəməri ilə Rusiya neftinin tranzitini bərpa etməyəcəyi halda Budapeştin onu dəstəkləməyəcəyini bildirmişdi.