"Bu fotoda şort geyinmiş şəxs isə bir neçə ay əvvəl Marneulidə 17 yaşlı azərbaycanlı gənci yalnız azərbaycanca danışdığına görə amansızcasına döyən adamdır" - Samirə Bayramova
"Çox yaxşı fotodur, xoşuma gəldi!
İki gün əvvəl Tbilisinin Vaşlicvari qəsəbəsində azərbaycan dilində danışdığı iddiası ilə bir azyaşlı bıçaqlandı. Bu fotoda şort geyinmiş şəxs isə bir neçə ay əvvəl Marneulidə 17 yaşlı azərbaycanlı gənci yalnız azərbaycanca danışdığına görə amansızcasına döyən adamdır. Onu cəmi iki gün sonra sərbəst buraxıb evinə göndərdilər.
Bu şəkil iyunun 20-də çəkilib. Onun yanında Marneuli Bələdiyyə Məclisinin sədri, məclis komissiyasının sədri, məclis sədrinin müavini Riçard Giqani (zorakılıqda ittiham olunan Mamuka Giqaninin atası), həmçinin məclis sədrinin digər müavini Tariel Məmmədov və bələdiyyə məclisinin deputatı dayanırlar və ona səmimi münasibət göstərirlər.
Baş verənləri anlayırsınızmı? Görürsünüzmü, belə insanlara necə himayədarlıq edilir və onların yanında dayanırlar? Yəni zorakılıq törədən şəxslərin.
Narahat olmayın, həyat bumeranq kimidir — sonda hər kəs öz əməllərinə görə cavab verməli olur." - deyə bu sözləri Samirə Bayramova öz Facebook səhifəsində yazıb.
İnterpressge