ABŞ-ın səhiyyə naziri Robert Kennedi (kiçik) bildirib ki, dövlət başçısı Donald Trampın qida vərdişlərini nəzərə alanda onun hələ də sağlam qalması onu təəccübləndirir.

Tribuna.az xəbər verir ki, o, bunu daha əvvəl ABŞ nazirliklərində yüksək vəzifələr tutmuş Keti Millerin podkastında deyib.

Kenneninin sözlərinə görə, Donald Tramp mütəmadi olaraq zərərli qidalar qəbul edir – McDonald’s məhsulları, şirniyyatlar və demək olar ki, fasiləsiz içdiyi dietik kola buna daxildir. Nazir vurğulayıb ki, bu cür rasiona baxmayaraq, ölkə başçısının orqanizmi heyrətamiz dözümlülük nümayiş etdirir.

Kenneninin əlavə etdiyinə görə, birgə səfərlər zamanı Trampın gündəlik olaraq “zərərli qidalarla” qidalandığı təəssüratı yaranır. Bununla belə, Donald Tramp özü düzgün qidalanmaya riayət etdiyini desə də, yol səfərlərində fastfuda üstünlük verdiyini etiraf edir.