Rusiyanın xarici işlər naziri Sergey Lavrov Rio-de-Janeyroda keçirilən BRİKS sammiti çərçivəsində İranın xarici işlər naziri Abbas Əraqçi ilə danışıqlar aparıb.

Tezadlar.az bu barədə TASS-a istinadən xəbər verir.

Lavrov tədbirdən kənar görüşmək imkanına görə iranlı həmkarına təşəkkür edib və onlar əl sıxıblar.

BRİKS liderlərinin qəbul etdiyi sammit bəyannaməsində Yaxın Şərqdə son zamanlar eskalasiyaya xüsusi diqqət yetirilib. Sammit iştirakçıları İsrailin İrana zərbələr endirməsini pisləyib və bunu beynəlxalq hüququn pozulması kimi qiymətləndiriblər. Bundan əlavə, onlar Beynəlxalq Atom Enerjisi Agentliyinin (AEBA) təminatları çərçivəsində İranın nüvə obyektlərinə hücumlardan narahat olduqlarını bildiriblər.