YAP öz seçki siyahısına kimləri salmadı? – Siyavuş Novruzov
27-08-2015, 20:48
Yeni Azərbaycan Partiyasının deputat seçkilərində iştirak edəcək namizədlərinin siyahısı artıq hazırdır.
Bu barədə Axar.az-a YAP icra katibinin müavini, millət vəkili Siyavuş Novruzov məlumat verib. Deputatın sözlərinə görə, siyahı çoxdan hazırlanıb:
“İdarə Heyəti təsdiq etdikdən sonra siyahı ictimaiyyətə təqdim olunacaq”.
YAP icra katibinin müavini partiyanın seçki siyahısından kimlərin kənarda qaldığı və hansı ciddi dəyişikliklərin olduğu barədə suala isə belə cavab verib:
“Siyahıda kimlərin adı var-kimlərin yoxdur, hələlik bu barədə açıqlama verə bilmərəm. YAP İdarə Heyətinin təsdiqindən sonra açıqlanacaq siyahıda bunu özünüz müşahidə edəcəksiniz”. Qeyd edək ki, 2015-ci ilin noyabrın ilk bazar günü Milli Məclisə seçkilər keçiriləcək.
