Azərbaycan toyunda “İraq İslam Şam Dövləti" (İŞİD) terror qruplaşmasının və “Hizbullah” bayrağının qaldırıldığı fotolar son günlər sosial şəbəkələrdə etiraza səbəb olub. Ümumiyyətlə, toyda niyə İŞİD və ya hansısa ərəb terror təşkiltının bayrağı qaldırılır?

“Toylarda İŞİD bayrağının qaldırılması birbaşa terror təbliğatıdır”. Bunu ATV.az-a deputat Fazil Mustafa bildirib.

Onun sözlərinə görə, qanunda bu məsələ ilə bağlı sərt addımlar atılmalıdır. “Heç kimin ixtiyarı yoxdur ki, Azərbaycanda İŞİD, PKK kimi terror təşkilatın təbliğatını aparsın. Bu prosseslərə Daxili İşlər Nazirliyi, Dini Qurumlar üzrə Dövlət Komissiyası nəzarət edir. Hesab edirəm ki, bu məsələyə ciddi diqqət yetirilməlidir. Bu prosseslər əslində bir yoxlanışdır. Məqsəd odur ki, gələcəkdə belə bir addım atarsaq, hansı reaksiyalarla qarşılaşacağıq. Əgər bu prosseslər ənənəyə çevrilərsə, çox pis nəticələr ortaya çıxacaq”.