Noyabrın 28-də Prezident yanında Antiinhisar və İstehlak Bazarına Nəzarət Dövlət Agentliyinin sədrinin müşavirləri Cəfər Babayev, Əhməd Həsənov və dövlət satınalmaları şöbəsinin müdiri Elşən Həsənov vəzifələrindən azad olunub.

Bu barədə “AzPolitika”ya daxil olan məlumatda bildirilir ki, hər 3 şəxs dövlət satınalmaları ilə bağlı korrupsiya və digər hüquq pozuntuları səbəbindən vəzifələrini itiriblər.
Mənbə yaxın günlərdə baş verənlərlə əlaqədər Agentliyin sədri Elnur Bağırovun da vəzifəsini itirəcəyinin gözlənilən olduğunu qeyd edib.
Xatırladaq ki, o bu il fevral ayının 12-də Prezident İlham Əliyevin sərəncamı ilə sözügedən vəzifəyə təyin edilib. E.Bağırov daha sonra öz komandasını formalaşdırıb və adları çəkilən şəxsləri Agentlikdə yüksək vəzifələrə təyin edib.