Bu qəsəbədə əksər küçələr bir-birinə bənzəyir... Küçələrdə qalaq-qalaq məişət tullantılarına rast gəlmək olur... Kimisi aylarla zibilin daşınmadığından, kimisi də qəsəbə küçələrinin təmizlənmədiyindən şikayətlənir...

Xezerxeber.az xəbər verir ki, görüntülər Abşeron rayonu Mehdiabad qəsəbəsindəndir.

Sakinlər iddia edir ki, qəsəbənin mərkəzi küçə və meydançalarından başqa heç bir küçədə konteyner yoxdur. Sakinlər çarəsiz qalıb zibili yaşadıqları məhəllə və küçələrdəki boş ərazilərə, bəzən isə elə küçənin ortasına atırlar.

Mehdiabad qəsəbə inzibati ərazi dairəsi üzrə nümayəndə Emin Abbasov qəsəbəyə ayrılmış konteyner sayının azlığı faktını təsdiqləsə də sakinlərin məişət tullantılarının aylarla təmizlənməməsi iddiası ilə razılaşmadığını bildirdi.

İcra nümayəndəsi sakinlərin tullantıların təmizlənməsi üçün aylıq nəzərdə tutulan 5 manatı ödəmədiyindən şikayətləndi.