"Rusiyanın dondurulmuş aktivlərinin müsadirəsi Aİ üçün ağır nəticələrə səbəb ola bilər".

Teleqraf xəbər verir ki, o, bu barədə Mandiner jurnalının YouTube platformasında yayımlanan proqramına müsahibəsində danışıb.

Orban Aİ ölkələrinin Rusiyaya məxsus suveren vəsaitləri mənimsəyərək Ukraynaya hərbi yardım üçün istifadə etmək cəhdlərini sərt tənqid edib.

"Bu addımın nəticələri ilk baxışdan göründüyündən qat-qat ciddidir. Bu, sadəcə iqtisadi məsələ deyil. Bu, birbaşa müharibəyə doğru atılan addımdır", – Macarıstan hökumətinin başçısı bildirib.

Orban vurğulayıb ki, belə bir hal hətta İkinci Dünya müharibəsi dövründə belə baş verməyib. Onun sözlərinə görə, Rusiyanın valyuta ehtiyatlarının müsadirə edilərək Rusiya ilə müharibə aparan tərəfə yardım məqsədilə istifadə olunması faktiki olaraq müharibə elanına bərabərdir.

Macarıstanın Baş naziri daha əvvəl də Qərbdə dondurulmuş Rusiya aktivlərinin ələ keçirilməsini müharibə elanına bərabər addım kimi qiymətləndirdiyini xatırladıb. O qeyd edib ki, tarixdə heç vaxt yüz milyardlarla vəsaitin bir dövlətdən alınması cavabsız qalmayıb.