Oracle-ın həmtəsisçisi Larry Ellison şirkət səhmlərinin 11%-dən çox ucuzlaşması nəticəsində cəmi bir gündə 25 milyard dollar sərvət itirib.

Valyuta.az xəbər verir ki, Ellisonun varidatı 258 milyard dollara düşüb və bu, 2025-ci ilin ən böyük birgünlük itkilərindən biridir.

"Oracle" gözləniləndən zəif maliyyə nəticələri açıqladığı üçün səhmlərdə eniş qeydə alınıb. Gəlirlər illik müqayisədə 14% artsa da, Wall Street proqnozları qarşılanmayıb.

İnvestorlar şirkətin süni intellekt infrastrukturuna milyardlarla dollarlıq xərcləri ilə bağlı narahatdırlar. "Oracle" rəhbərliyi isə bu narahatlıqları əsaslı hesab etmir və əlavə vəsait ehtiyacının şişirdildiyini bildirir.

Ellison buna baxmayaraq hələ də dünyanın ən varlı texnologiya liderlərindən biri olaraq qalır.