Ukrayna Baş naziri Arseni Yaçenyuk son açıqlaması ilə Ukrayna xalqını sevindirib.

Axar.az “İnterfaks”a istinadən xəbər verir ki, baş nazir sentyabrın 1-dən minimal əmək haqqının və pensiyaların yüksələcəyini vəd edib.

“Baş nazirlə 10 dəqiqə” telelayihəsindəki çıxışı zamanı xalqa şad xəbəri çatdıran Yaçenyuk deyib:

“Prezidentlə birgə sosial standartların artırılması zəruriliyi haqqında müzakirələr etdik. Müzakirələrdən sonra qərara aldıq ki, əhalinin minimal əməl haqqı və pensiyasının yüksəldilməsi haqda sentyabrın 1-də qərar qəbul edək. Qərarın icrası isə, çox güman ki, dekabrın 1-dən start götürəcək”.