Nigeriyada silahlı şəxslər Kaqara əyalətindəki Elm Kollecinə girərək yüzlərlə şagird və müəllimi girov götürüb.

Teref.az xəbər verir ki, hərbi forma geyinmiş çox sayda silahlı kişi girovlarını meşəyə aparıb.

Qaçırılan işçilərdən biri və bir neçə tələbə cinayətkarlardan xilas olmağı bacarıb.

Qeyd edək ki, 2 ay əvvəl qonşu Katsina əyalətinin Kankar şəhərində də 300-dən çox tələbə qaçırılmışdı.

Şagirdlər daha sonra dövlət rəsmiləri ilə danışıqlardan sonra sərbəst buraxılsa da, hadisə dünya miqyasında qəzəb doğurub.

Xatırladaq ki, Nigeriyada silahlı dəstələr tez-tez pul tələb etmək üçün girovlar götürür.Publika.az