Rusiyada xəstəxanada yanğın olub, ölənlər və yaralılar var
9-06-2021, 07:53
Rusiyanın Ryazan şəhərində yerləşən Semaşko xəstəxanasının reanimasiya şöbəsində yanğın hadisəsi baş verib.
“Report” “RİA Novosti”yə istinadən xəbər verir ki, bu barədə Rusiya Fövqəladə Hallar Nazirliyi məlumat yayıb.
Bildirilib ki, yanğın zamanı üç nəfər həlak olub, doqquz nəfər yaralanıb.
Təhlükəsizlik məqsədilə 35 nəfər insan yanan ərazidən təxliyə edilib. Yanğının qarşısı alınıb və hazırda baş vermə səbəbi araşdırılır.
