İsrailli girovların azad edilməsi yalnız Qəzza zolağında rəsmi atəşkəs elan edildikdən sonra başlayacaq.

Teleqraf xəbər verir ki, bunu Fələstinin HƏMAS hərəkatının siyasi bürosunun üzvü Usamə Həmda bildirib.

"Mübadilə müharibənin başa çatması rəsmən elan edildikdən sonra başlayacaq", - HƏMAS sözçüsü bildirib.

Oktyabrın 9-da Qəzza zolağında İsrail və HƏMAS arasında atəşkəs qüvvəyə minib. Trampın vasitəçiliyi ilə imzalanan sazişin birinci mərhələsinə əsasən, hər iki tərəfdən bütün girovlar azad ediləcək və İsrail qoşunları razılaşdırılmış xəttə çəkiləcək.

Sülh planının birinci mərhələsinə görə, HƏMAS girovları 72 saat ərzində İsrailə təhvil verməyi öhdəsinə götürür. Bunun müqabilində İsrail 24 saat ərzində anklavdan qismən çıxmağa başlayacaq və 2000 fələstinli məhbusu azad edəcək.

ABŞ prezidenti Donald Tramp gələn həftə Yaxın Şərqdə “böyük hadisələrin” baş verəcəyinə söz verib.