İspaniyanın "Real Madrid" klubu 2025/26 mövsümündə oyunçu satışları nəzərə alınmadan 1,4 milyard dollar gəlir əldə edərək dünya idman tarixində bu həddi keçən ilk idman klubu olub.

Valyuta.az xəbər verir ki, klubun maliyyə hesabatına əsasən, gəlirlərin artımında əsas pay kommersiya fəaliyyətinin olub. Yenilənən Santyaqo Bernabeu stadionundan əldə olunan gəlirlər əvvəlki mövsümlə müqayisədə 11%, marketinq gəlirləri isə yeni tərəfdaşlıqlar və sponsorluq müqavilələri hesabına 6% artıb.

Mövsümün sonunda "Real Madrid"in kapitalı 720 milyon dollar, nağd vəsaiti 96 milyon dollar, xalis borcu isə stadionun yenidənqurma layihəsi üzrə öhdəliklər istisna olmaqla cəmi 10 milyon dollar təşkil edib.

Beləliklə, Madrid təmsilçisi həm idman, həm də maliyyə göstəriciləri baxımından dünya futbolunun ən güclü klublarından biri statusunu daha da möhkəmləndirib.