Təxminən son 2000 il ərzində ilk dəfə Kolizeyin ziyarətçiləri bir vaxtlar Roma imperatorlarının qədim amfiteatra görünmədən gəlişinə imkan verən gizli keçiddən keçə biləcəklər.

Bu barədə AP məlumat yayıb.

"Kommodun keçidi" kimi tanınan və Roma imperatorunun adını daşıyan gizli dəhliz oktyabrın 27-də ziyarətçilərin üzünə açılacaq.

Keçid ilk dəfə 1810-cu illərdə kəşf edilib və eramızın 180-192-ci illəri arasında hakimiyyətdə olmuş imperator Kommodun şərəfinə adlandırılıb.

Kommod qladiator oyunlarına olan həvəsi ilə tanınıb. Tuneldən keçərkən o, uğursuz sui-qəsd cəhdi ilə üzləşib.