“Vəziyyət ağırdır, həqiqəti deməliyik” – Kliçko Kiyev sakinlərinə xəbərdarlıq etdi
11-10-2025, 10:34
Kiyev meri Vitali Kliçko yaxın günlərdə Rusiyanın yeni hücumunun gözlənildiyini bildirib.
Kliçko Ukrayna paytaxtının sakinlərini su və qida ehtiyatı toplamağa, telefon və digər cihazlarını doldurmağa, eləcə də isti paltar hazırlamağa çağırıb.
“Vəziyyət çətindir. Gəlin həqiqəti deyək və arxayınlaşmayaq. Yaxın günlərdə yeni hücum proqnozlaşdırılır. Kiyev sakinlərini mümkün qədər diqqəti cəmləməyə və praqmatik hərəkət etməyə çağırıram. Su ehtiyatı toplayın, ilk yardım çantası, qida ehtiyatı hazırlayın, cihazlarınızı doldurun. İsti paltar alın”, – Kliçko sosial deyib.
Onun sözlərinə görə, Kiyev oktyabrın 10-da ən ağır hücumlardan birini yaşayıb. Səhər tezdən bütün xidmətlər Rusiyanın hücumunun nəticələrinə aradan qaldırmağa cəlb olunub. Artıq 423 mindən çox abonentin elektrik enerjisi bərpa olunub.
Xatırladaq ki, dünən gecə Rusiya Ukrayna ərazisinə PUA vasutəsilə hücum edib. Ukrayna paytaxtında elektrik və su təchizatında fasilələr yaranıb.
