Rusiyanın Kuril adaları yaxınlığında balıqçılar dəyəri bir milyon dollardan çox olan nəhəng tuna balığı tutublar.
Bu barədə "Moskovski Komsomolets" nəşri məlumat yayıb.

Məlumata görə, İturup adası sahillərində ovlanan balığın çəkisi 284 kiloqram olub. Müqayisə üçün qeyd edilib ki, bir il əvvəl Yaponiyada çəkisi daha az olan tuna balığı 1.3 milyon dollara satılıb.

Bu növ balıq üçün indiyədək ödənilən ən yüksək məbləğ isə təxminən 3 milyon dollar olub - həmin rekord altı il əvvəl qeydə alınıb.

Mütəxəssislər bildirirlər ki, son illər qeyri-adi isti sular səbəbindən bölgədə 150-215 kiloqram arası çəkidə nəhəng tuna balıqlarına daha tez-tez rast gəlinir.