Rusiyada "Avito" internet mağazasında Fransanın Luvr muzeyindən oğurlandığı ehtimal olunan qiymətli əşyalarla bağlı 250 milyon rubl (təxminən 5.2 milyon manat - red.) məbləğində elan yerləşdirilib.

Bu barədə TASS-a məlumat yayıb.

Saytda Fransa kraliçası Mariya Amaliyanın zinət əşyaları dəstini əldə etmək təklif olunub.

Hazırda elanlar yoxlama ilə əlaqədar servis tərəfindən bloklanıb.

Qeyd edək ki, "Avito" - Rusiyada məhsul, daşınmaz əmlak, vakansiyalar və əmək bazarında CV-lər, eləcə də xidmətlərlə bağlı elanların yerləşdirilməsi üçün nəzərdə tutulmuş internet servisdir.