Pekin Universitetinin alimlər qrupu yeni gülləkeçirməz parça yaradıblar.

Oxu.Az bu barədə "Hardware Busters"ə istinadən xəbər verir.

Tədqiqatçıların fikrincə, bu parça öz analoqlarından üç dəfə daha möhkəmdir.

Professor Cin Çjanın rəhbərlik etdiyi qrup hesab edir ki, hazırda mövcud olan ən möhkəm parçanı yaradıb. Möcüzəvi məhsul karbon nanoborular və heterosiklik aramiddən ibarət birləşmədir. Bu, materialın mövcud qoruyucu tekstillərdən daha effektiv şəkildə zərbə enerjisini udmasına və parçalamasına imkan verir.

Alimlərin fikrincə, 0,6 mm qalınlığında bir parça təbəqəsi 300 m/s sürətlə hərəkət edən gülləni 220 m/s-yə qədər yavaşlada, 1,8 mm qalınlığında üç parça təbəqəsi isə gülləni tamamilə dayandıra bilər.