Cənubi Koreyada bir kişinin ölümü təxminən 100 ağır xəstəyə yaşamaq şansı verib.

Oxu.Az "Korea JoongAng Daily" nəşrinə istinadən xəbər verir ki, 60 yaşlı Mun Çju Xvan öləndən sonra bütün orqanlarını ehtiyacı olanlara bağışlamaqla bağlı donor reyestrində qeydiyyatdan keçmişdi.

Koreyalı xeyirxah şəxs bu ilin avqust ayında qəfil dünyasını dəyişib.

Mütəxəssislərin sözlərinə görə, bu hadisənin unikallığı ondan ibarətdir ki, donor toxumaları beş ilə qədər saxlanıla bilir. Bu isə dərhal transplantasiya tələb edən orqanlardan fərqli olaraq, bir çox ağır xəstələrdə bədən funksiyalarını bərpa etmək üçün istifadə edilir.