Təqdim olunan yeni "Upscale-LoRA" modeli "Qwen-Image-Edit-2509" əsasında qurulub, köhnə və ya aşağı keyfiyyətli şəkillərin keyfiyyətini əhəmiyyətli dərəcədə yaxşılaşdırmaq üçün nəzərdə tutulub.

Oxu.Az bu barədə habr.com-a istinadən xəbər verir.

Model aşağıdakı funksiyaları təmin edir:

1. Detalların bərpası - Pozulmuş və ya itmiş təfərrüatı effektiv şəkildə bərpa edir;

2. Kəskinliyin artırılması - Görüntülərin təbii kəskinliyini qoruyaraq yaxşılaşdırır;

3. Səs-küyün aradan qaldırılması - Şəkillərdəki səs-küyü effektiv şəkildə azaldır;

4. JPEG artefaktlarının təmizlənməsi - Sıxılma zamanı yaranan artefaktları aradan qaldırır.

Əsas tətbiq sahələri isə aşağldakılardır:

- Arxiv şəkillərinin bərpası;

- Ekran görüntülərinin keyfiyyətinin yaxşılaşdırılması;

- Aşağı ölçülü şəkillərin genişləndirilməsi;

- Köhnə fotoşəkillərin müasirləşdirilməsi.

Model özünün elastik quruluşu sayəsində şəkillərin təbii görünüşünü qoruyaraq, onları daha kəskin və detallı hala gətirir. Hazırda "Hugging Face" platformasında test və istifadə üçün əlçatandır.