Ukraynanın Müdafiə Qüvvələri (SBU) dekabrın 24-nə keçən gecə Rusiyanın əsas obyektlərinə zərbələr endirib.

Tribuna.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, Tula vilayətinin Yefremov şəhərində plastik partlayıcı maddələrin tərkib hissələrinin və bərk raket yanacağının istehsalı üzrə ixtisaslaşan “Yefremov Sintetik Kauçuk Zavodu”nun istehsal gücləri vurulub. Müəssisə ərazisində partlayışlar və genişmiqyaslı yanğın qeydə alınıb.

Bundan əlavə, Ukrayna qüvvələri Krımın Mirnoye rayonu ərazisində ekipajsız dəniz katerlərinin saxlanılması və texniki xidməti üçün nəzərdə tutulan obyekti, həmçinin Luqan vilayətinin Doljansk şəhərində Rusiya Silahlı Qüvvələrinin logistikasını pozmaq məqsədilə polk səviyyəli maddi-texniki təminat anbarını hədəfə alıb.