Ələsgər Ələkbərovun filmlərdəki şillələrinin maraqlı tarixçələri: “Rol təbii alınsın deyə, Ələsgər Ələkbərov "Böyük dayaq"da Həsən Məmmədovun xahişi ilə ona bərk şillə vurur, sonra qucaqlayaraq üzr istəyib. "Həsən Məmmədov deyirdi ki, "Böyük dayaq"da Ələsgər Ələkbərovun mənə vurduğu şillə sənətə vizit vərəqim idi. Bu, Ələsgər Ələkbərovdan xeyir-dua idi", - kinoşünas Aydın Kazımzadə.
Hacı Murad Yagizarov "Ögey ana" filminin çəkilişlərində atını dəyişib başqa bir at minir. O, atın üstünə oturan kimi heyvan elə götürülür ki, uçurumun kənarında yüyənini çəkib birtəhər saxlaya bilir. Bunu Ələsgər Ələkbərova xəbər verirlər. Aktyor elə həyəcanlanır ki, Hacı Murad Yagizarova bir şillə çəkib, deyir: “Bir iş görməzdən əvvəl fikirləşmək lazımdır”. Ələsgər Ələkbərov sonra özünü saxlaya bilməyib ağlayır.
Anar Tağıyev