Ötən gecə Günəşdə üç güclü M sinifli partlayış baş verib.

Bu barədə Rusiya Elmlər Akademiyasının Kosmik Tədqiqatlar İnstitutunun (IKI) Günəş Astronomiya Laboratoriyasının məlumatında bildirilib.

Qeyd edilib ki, bazar ertəsi gecəsi baş verən Günəş partlayışlarından ən güclüsü M4.2 maqnitudasına çatıb.

Bundan əlavə, gecə ərzində üç normal C sinifli Günəş partlayışı da qeydə alınıb.

27 dekabr gecəsi də bu ayın ən güclü Günəş partlayışının baş verdiyi bildirilmişdi. Ona M5.1 maqnitudası təyin edilib. Bundan əlavə, Yeni il tətilləri zamanı pik partlayış aktivliyi baş verə bilər.

Mütəxəssislər bütün bu partlayışların Yerdə maqnit qasırğasına səbəb olduğunu və həssas insanların səhhətinə təsir etdiyini bildirirlər.