Moskvadakı "Crocus City Hall" konsert zalında baş vermis terror aktının təşkilatçısı Şəmsidin Fəriduni cinayət əməlindən öncə digər üç həmkarına onların xəbəri olmadan narkotik maddə verib.

TEREF xəbər verir ki, bu barədə TASS məlumat yayıb.

Məlumata görə, istintaq zamanı götürülən qan analizində narkotik əlamətləri olmayan yeganə şəxs Fəriduni özü olub. O, digər üç həmkarının su şüşələrinə gizli şəkildə mefedron əlavə edib və onlara içməyi tapşırıb.

Hüquq-mühafizə orqanları Fəridunini "Crocus" hücumunun ən qəddar və hiyləgər iştirakçısı hesab edir. Qeyd edilir ki, o, konsert zalında güllələdiyi insanların gözlərinə baxaraq onları öldürüb. (oxu.az)