Avstraliyanın ucqar bir bölgəsində mədən işçiləri qeyri-adi hadisənin şahidi olublar.

Oxu.Az "Daily Mail" nəşrinə istinadən xəbər verir ki, yerli sakinlər Pilbara bölgəsində səmada sirli uçan bir obyekt gördüklərini iddia ediblər.

Əvvəlcə bunun bulud olduğu düşünülüb, lakin sonra daha çox üçbucaqlı uçan naməlum obyektə (UNO) bənzədilib.

"Bu ola bilməz", - deyə hadisədən şoka düşmüş mədənçilərdən biri deyib.

Hadisəni izləyənlərdən biri bunun tibbi təxliyə helikopteri olduğunu söyləyib, digərləri isə formanın uyğun gəlmədiyini qeyd edərək, onunla razılaşmayıblar.

Mədən işçilərindən biri mobil telefonu ilə obyektin şəklini çəkməyi bacarıb. O, fotonu həmkarlarına göstərərək, bunun UNO olduğunu iddia edib.

İşçilərin gördükləri ilə bağlı yerli səlahiyyətlilər və şirkət nümayəndələri tərəfindən heç bir rəsmi izahat verilməyib.