Şərqi Yorkşirdəki (Byük Britaniya) Tunstall çimərliyinin üzərində 1959-cu ildə nüvə müharibəsi halında müşahidə məntəqəsi kimi tikilmiş bir bina var.

"İndependent" qəzeti xəbər verir ki, onun bir neçə gün ərzində dənizə çökmə ehtimalı yüksəkdir.

Qeyd olunur ki, bu bina böyük ehtimalla 1990-cı illərdə istismardan çıxarılıb. İndi Ətraf Mühit Agentliyinin məlumatına görə, obyekt çimərlikdən təxminən 7,6 metr yüksəklikdə bir uçurumda tarazlaşır.

"Biz Avropanın ən çox aşınmış sahillərindən birində yaşayırıq və bu bunkerin ömrü qısadır, bəlkə də cəmi bir neçə gün", deyə həvəskar tarixçi Deyvi Robinson jurnalistlərə bildirib.

Yeraltı müşahidə məntəqəsi böyük ehtimalla 1990-cı illərdə, Soyuq müharibənin bitməsindən qısa müddət sonra istismardan çıxarılıb. İndi özəl torpaqlardadır və yerli hakimiyyət orqanları bunun üçün heç bir hüquqi məsuliyyət daşımır.

Nəşr qeyd edib ki, problem binanın yerləşdiyi ərazidəki sahilin qorunmamasıdır. Bu da sahil proseslərinin davam etməsinə imkan verir. Buna görə də insanlara bu yerdən uzaq durmaq tövsiyə olunub.

Qeyri-kommersiya sahil tərəfdaşlığı "Yorkshire Marine Nature Partnership"ə görə, bölgənin şərqindəki uçurum xətti ildə təxminən dörd metr geri çəkilir. Sahil xətti min illərdir dəyişir, lakin bu dəyişikliklər iqlim dəyişikliyi səbəbindən sürətlənib.