"YouTube" videohostinqi "Reddit"i geridə qoyaraq süni intellekt tərəfindən yaradılan cavablarda böyük dil modellərinin ən çox istinad etdiyi əsas sosial platformaya çevrilib.

Bu barədə "Adweek" saytı xəbər verir.

Məlumata görə, bu dəyişiklik axtarış və məlumat xarakterli cavabların formalaşdırılmasında süni intellektin istifadə etdiyi mənbələrin transformasiyasını göstərir.

"Bluefish" şirkətinin araşdırması göstərib ki, son altı ay ərzində "YouTube" süni intellekt tərəfindən yaradılan cavabların 16%-ində mənbə kimi istifadə olunub, "Reddit" isə 10% göstərici ilə kifayətlənib.

Əgər əvvəllər videoplatforma videoməzmunun təhlilinin çətinliyi səbəbindən mətn resurslarından geri qalırdısa, bu gün vəziyyəti videoların altındakı transkripsiyalar, təsvirlər və müşayiətedici mətn məlumatları dəyişib.